రాష్ట్రస్థాయి ఫుట్ బాల్ పోటీలకు ఎంపిక
కోసిగి. మండల పరిధిలోని సాతనూరు జిల్లా పరిషత్ ఉన్నత పాఠశాలలో చదువుతున్న ఎం.కృష్ణ అనే విద్యార్థి రాష్ట్రస్థాయి ఫుట్ బాల్ పోటీలకు ఎంపికైనట్లు పాఠశాల ప్రధానో పాధ్యాయులు పురుషోత్తం రెడ్డి విలేకరులకు తెలిపారు. అండర్-17 క్యాటగిరిలో కడప జిల్లా ఎర్రగుంట్లలో జరిగే రాష్ట్రస్థాయి పోటీల్లో పాల్గొంటారన్నారు. ఈ సందర్భంగా వారు మాట్లాడుతూ ప్రతి విద్యార్థి చదువుతోపాటు క్రీడల్లో రాణించాలన్నారు.మారుమూల గ్రామమైన సాతనూరు గ్రామం నుంచి క్రీడల్లో విశేష ప్రతిభ కనబరిచిన విద్యార్థికి తల్లిదండ్రులు, ఉపాధ్యాయులు, గ్రామస్తులు అభినందించారు.
